جمهور الهلال + جمهور النصر + جمهور الاهلي +
جمهور الاتحاد + جمهور الشباب ( وجماهير الانديه كافه )
الرجاء كل الرجاء
ترى المنتدى اكبر من الامور اللي
حتى وربي الاطفال مايفكرون فيها
هلالي ونصراوي اتحادي اهلاوي شبابي .....)
ياخواني قسم بالله اذكرها ايام الابتدائي كنت نتكلم فيها
وش هالخرابيط وش هالمهازل
المنتدى مافتحناه لاجل
سامي افضل او ماجد افضل
والا سعد احسن من ياسر
قسم بالله الوغدان وهم الوغدان
ماصاروا يتناقشون بمثل هذه الامور لمعرفة انها مواضيع
تتعلق بالمستطيل الاخضر فمن يبدع يستحق التشجيع
والتصفيق بغض النظر عن لون الشعار الذي يرتديه
يعني ياليت
ماشوف مثل هالمواضيع وهالردود
اللي كل واحد مايدخل لموضوع الثاني
بسبة هذا هلالي وهذا نصراوي وهذا اتحادي وهذا اهلاوي
اذا بتدافع عن الهلال او النصر او الاتحاد او الاهلي
ياشيخ روح عندك منتدى النصر او العالمي
وعندك منتدى الزعيم واكتب اللي تبي
وعندك منتدى القعله اكتب اللي تبي
وعندك العميد اكتب اللي تبي
منتدانا ما فتحناه الا للفائده والاستفاده والروح الرياضيه
اما الردود اللي مالها داعي وناس قاعده تشمت بناس
[ أعتقد حنا أكبر من الامور هذي ]
والله لايهينكم منتديات البزارين واجد
ادخل بقوقل واكتب وابحث عن اي منتدى واطرح مواضيعكم
الهابطه وردودكم المشينه في تلك المنتديات
اما منتدى الـمـودعـM
فهو يرفض هذا التعصب وهذه الردود
التي لاتسمن ولاتغني من جوع
وحنا اخوان واكبر من سوالف البزران هلال ونصر واتحاد واهلي
لك الحق اخوي أو اختي بالتشجيع
بسس !!!!!!!!
بالعقل والرد يكون عقلاني ومنطقي
ولا يتعدى التجريح والضحك
اتمنى يكون هذا الموضوع
بداية انطلاق بتطبيق قوانين القسم الرياضي
وكل شخص مسئؤول عن هذا النك او المعرف اللي داخل فيه
لكم ودي اخوكم
الإثنين مايو 10, 2010 4:35 pm من طرف 
